සසර පුරුද්දට පෙම් බැඳි නුඹ හට
නිතර සිතට එයි නුඹෙ රුව හැම විට
පැනලා දුවන්නට සිතුනත් සදහට
සිතලා බලන්නට කල් ඇත තව මට
එකම හදක් වූ මගේ ඒ පෙම් කව
දෙහදක් වන්නට පින් නැති පෙම් කව
සිහින පොදක් බැඳි නම් නැති පෙම් කව
බොඳව ගියාදෝ නිම් නැති පෙම් කව
සොයුරි පෙමක් වූ නුඹෙ ඔය පෙම
නැතිකර ගන්නට ලොබවුණි ඔය පෙම
නතු කරගන්නට සදහට ඔය පෙම
සසර වසමි මම ලැබුමට ඔය පෙම
පිදුවත් නුඹෙ පෙම වෙනෙකුට යම් දින
සතුටකි එය මා හට හැම දින
පැතුවේ නුඹෙ සතුටයි මා හැම දින
පතමි ලබන්නට නුඹෙ පෙම කිසි දින
සොයුREK
(ආරාධිත නිර්මාණ)
අයියණ්ඩියේ කෝ
සාමා අමර
විතරද අර මල් පිරුණු
සල්ගස
නොමැත අද එය මේ
පාසල් පොත් පිටු අතර
සුදු නංගියේ අද
සල් ගස්නම් එමට
නමුත් නොමැත මලින් බර
සාමා අමර නම්
සොයාගත හැකි වනු ඇත
මුණු පොතේ
පිටු අතර
එළිය කරන නිල් අහසම
හිරු කුමරිය මගේ වගේ
දිදුලන සඳ අඳුර මකා
සඳකුමරිය මගේ වගේ
ඉරුත් සඳුත් අරන් ළඟට
නුඹ ඇවිදින් රැඳේ හදේ
ඇවිදින කල නුඹ හිමිහිට
වටී මෙමට නුඹෙ පියවර
හිනහෙන කල නුඹ තරඟෙට
නැතේ දුකක් හිත් මානෙක
ජීවිතයම නුඹෙ ඇස්දෙක
වගේ රකින පොරොන්දුවට
දුවේ මගේ හිත් ගොමුවේ
කැකුළු මලයි නුඹ පිපුණේ
කසාවත පොරවාගෙන
නොසිටියද
රහතුන් අදත් ඇත
අප අතර නොඅඩුවම
සෘද්ධියෙන් සක්මනේ
පුරුදු ලෙස නොගියාට
සියුමැලිව පා තබා
නිසලවම ගමන් යන
දිවැසින් ලොව බලා
දුක් නිවනු බැරි වුවද
මිතුනෙතින් නිති බලා
අවැසි උවටැන් කරන
නුඹව හැඳිනගත්
නුඹේ හිනාව
නිසාම තාමත්
මල් පිපෙනවද ළඟපාත
එහෙව් හිනා නුඹ
ඇන්න ගිහින් මට
දුකක් තියා නුඹ සැනසෙන්නද
එහෙම නිසා
නුඹේ සිනා පොදක්
මගේ ළඟම තිය
නුඹ යන්න ඉතින්
******************
ජනරග විජඉදු දේවසුරේන්ද්ර නිර්මාණයක්