twitter rss

ඉල්ලීමට පිළිතුරක්...

:::ලිපි වර්ගය:::

අපි ආගිය තැන්
කී වදන් වැල්
අමතක කලතු නුඹ
අරුම හිනාවකින්
කෙසේ අමතක කරමිද
මා මත තැබූ
මතක පොදි
නැවත නොලිහා තදකර
නුඹ කියන විලසට..

එහෙත් නුඹට සැප
වලලන මතක නම්
වලලමි සුසානයේ
යළිඳු ගොඩ නොගන්නට

එවිට ඇවිත් සිනාසෙන්න
සුසානය අසල සිට
යලි ගොඩ නොඑනි මතක දෙස
බලා සිත සැනසුමෙන්




කුල කුමරිය

:::ලිපි වර්ගය:::


සංසාර සාගරේ මා සෙයූ කුල කුමරී
රෑ අහසේ තරු ගානේ මා සෙයූ ඒ කුමරී
මල් සිනා කැන් පා මා හදේ සැඟවුණා
නෙත් යායේ මා සෙයූ
ඈ දිනක හමුවුණා
නෙත් පහස ලැබගන්න
හිඳිමි ඔබ එනතුරා

සංසාර සාගරේ මා සෙයූ කුල කුමරී...

සිත්යායේ පාවෙනා
නෙත් මානේ හිනැහෙනා
මා දෑස පිනවනා
මා කුමරී ඔබේ සිනා
සිත් මානේ සැඟවිලා
මා පැතූ නිල් කුසුම

සංසාර සාගරේ මා සෙයූ කුල කුමරී...

හදගැස්ම මගේ ජීවේ
ඔබ ගාව පුදකලා
හැමදාම මා එක්ක
නුඹ ඉන්න මා කුමරී
පෙම් සිතේ සැඟවිලා
මා සෙයූ නිල් මැණික

සංසාර සාගරේ මා සෙයූ කුල කුමරී...


සොයුREK
(ආරාධිත නිර්මාණ)





පමාවූ පැතුම...

:::ලිපි වර්ගය:::

වසරකට පෙර දිලිසුණ තරුවේ කාන්තිය
අදත් මා මත සෙමෙන් වැටෙන විට
මා නෙතට කිසි දිනක දකිනු නොහැකි ලෙස
දීප්තිය විහිදමින්
ගතවුණු කාලයේ පමාව
ඔච්චම් කරයි අද දින මට

එදා සිත් බැඳ අවසන්ව
අද මා කරා නොඑන ආදරය
ඒ තරුවේ පිහිටෙන්
ලස්සනට අයිතිය කියන ඇස් දෙස
බලා සිටිය යුතුය තව කල්
එවිට ආදරය පැමිණ
අප සොයාගනු ඇත කොහේදී හෝ


බ්‍රිතාන්‍ය ජාතික සාහිත්‍යධාරිණියක වූ එලිසබත් ජෙනින්ස්ගේ  "Delay" නම් කවියේ සිංහල අනුවාදනය

තිස්ස..දුර බලන්න ලඟ නොබලන්න

:::ලිපි වර්ගය:::

තිස්ස
ජම්බුද්වීපයේ සිට
මෙහි පැමිණියේ
තනිවම නොව
වටිනා යමක් රැගෙනය

තිස්ස දුර බලන්න
ලඟ නොබලන්න
මේ ධර්මය
ආත්මාර්ථය උදෙසා නොව
පරාර්ථය උදෙසාමය

මේ ධර්මය අද උදෙසා
පමණක් නොව
හෙට උදෙසාත්ය

තිස්ස මේ දහම
නුඹ වෙත පමණක් නොව
සසර දුක විඳින සැම උදෙසාය

එබැවින් තිස්ස
දුර බලන්න 
ලඟ නොබලන්න


ජනරග විජඉදු දේවසුරේන්ද්‍ර නිර්මාණයක්