twitter rss

නකියුබා කදු අතර....

:::ලිපි වර්ගය:::


සුදට සුදු හිම කැටද පෙනි පෙනී දිලෙන කල
හැංගෙමින් දගකරන හිරු මඩල සිනාසෙන
චෙරිමලේ සුවදපොද ඉවසන්න බැරිතරම
චෙරි මලේ රතුපාට සිහින් දෙතොලට උරුම

හිනාවෙන දොළපාර කථාවෙන බඩවැටිය
බැටළු රෑනට හොරෙන් වැඩෙන නිල් තණනිල්ල
මතක අතරේ දුවයි හොන්ෂු මල් රේණු පොද
සුවද හරියට දැනේ ඔබ ලගින් හුන් ලෙසම

උණ පුරුක් වැට උඩින් නෙත් දිදුල දුන් හැටිම
කිරිබදුන රත්කරන පෙරනිමෝ ගිනිදැල්ල
නකියුබා කදුපෙළද සෙවන දුන් හුළු ගසද
හීතලට තව දැනේ ඔබෙ සුසුම් පොද ලෙසම

සිහින් සළු පොට වැසුණු නිල්පාට නෙත් යුවල
මීදුමෙන් වැසීගිය පුංචි උල්පත් ලෙසම
සරියතෝ වෙහෙරබිම සුවද දුම් රැලි පෙලට
එක් වෙලා ඒ මතක නකියුබා කදු අතර....

brought to you by
  1. වෙනස් දේශයක අත්දැකීමක්..
    අපූරුවට ලියවෙලා තියෙනව..

  1. හරිම අපූරුයි යාළුවා.. දිගටම ලියන්න...

  1. බොහොම ස්තූතියි යාළුවනේ..අත්දෙකේ හයියයි හිතේ හයියයි...සිහි කල්පනාවයි තියනකම්ම ලියනවා

  1. ලස්සන වෙනසක් මේ කවියේ තියනවා දේව්..හරිම ලස්සනයි

  1. ඒ වෙනස ආවේ කිසිදවසක මම පයක් නොතියපු ජපන් රටේ සුන්දර සිතුවිලි පෙම් පුවතකින්..ඇත්තටම මම මේ පදටිකේ ජීවත් වෙනවා..ස්තූතිය පවිත්‍රා

Post a Comment

අදහස් දැක්වූ ඔබට බොහොමත්ම ස්තූතියි....
කවියට ලැදි හිත
සදා අමරණීයයි....

ජනරග විජඉදු දේවසුරේන්ද්‍ර නිර්මාණයක්