සිතුවිලි පලස: භව බැඳුම..

නුඹ නොහිටින්නට

සසරෙන් මා එතෙරව බොහො කල්
භවයෙන් භවයේ
මා සමගින් එන
පෙම්හුය නැතිනම්
භවයනේ මා ගිලිහී බොහො කල්

රළු මං පෙත දිවියේ ඉම නොමදැන
අත් පා කකියන විටදි මගේ
කෙලෙසුන් දුරුකර සසරින් ගිලිහෙන
මං පෙත් ඇති මුත් ලොවට මගේ
භවයෙන් භවයට මා හද හඳුනන
නුඹ පෙම ඒ මඟ අහුරා පිබිදෙන්නේ

බෝසත් හිමිවරු දැහැනට සමවැද

අනියත දුක කෙලවරට ඇඳෙන සඳ
අභිනික්මනටත් පෙමින් අඩක් දෙන
යසෝදරාවන් කොහෙද ලොවේ
භවයෙන් භවයට මා හද තදකර
නුඹ පෙම ඒ මග අහුරා පිබිදෙන්නේ

brought to you by

5 අදහස් දැක්වූ ගණන

Malya October 13, 2012 at 9:19 PM

කාට ඇමතුවද
මම ඔබ ගැන නොදනිමි
වචනයක්වත් නොකීවේ
නොපබඳින බවට කවක්
කීවිට
කවියෙකුට කවියක් නොපබන්දින්න
නොහැකි බව දන්නා නිසා මැයි

හමුවේවි යසොදරාවෙක්
උදව්වක් දෙන්න ඔබටත්
මේ සසරින් එගොඩ වෙන්න
හද සිරකර සිටියත්
ඇය වෙනුවෙන්ම
එගොඩ වේවි ඔබ දිනක

පිළිතුරු කවියක් ඔබ ලියාවි
සමහර විට
මට නොතේරෙන
අපබ්‍රංස බාශාවකින්
කමක් නැත.
ඔහේ තිබුනාවේ
එයත් මතකේ තබාගන්නම්
මා වෙනුවෙන් බැඳුනු
අකුරු පේලියක් ලෙසටවත්....