සිතුවිලි පලස: නික්ම යාමට පෙර...

නුඹ කඳුලු තදකරන්

සුසුම් රැල රකින විට

කෙලසකින් යම්ද මම

නොදන්නා ලොවක් වෙත

දන්නා සියලු දේ

නුඹ වෙතම වන කලක

නොහඳුනන ලොවක මම

හිදින්නද කෙලෙස හෙට..

දෙතොල්පට තදකරන්

හිනාවෙන්නට තනන

දෙඅත් පණ නැති ලෙසින්

සමුදෙන්න අතවනන

නුඹ ලඟදි සෙනෙහෙ සිත

වැලපෙමින් ගුලි ගැහෙන

රැගෙන මම යමි කෙසේ

නොපෙනෙනා ඉමක් වෙත

උණුහුමට නුඹ දුන්නු

අවසන් හාදුවට

මුසුවෙලා හැමදේම

නුඹ කියන්නට තැනුව

ලොවක් නැති බව දැනම

නුඹ නොමැති මිහිපිටක

නොසලන්න කඳුලුකැට

එනතුරා යලි හදට...

brought to you by

2 අදහස් දැක්වූ ගණන

Janaranga Dewasurendra May 30, 2011 at 8:05 AM

ගොඩක් සංවේදී අවස්ථාවක් යාළුවා...ස්තූතියි

නික්ම යාමට පෙර...